Mokunhod ang presyo sa mga produktong petrolyo sa sunod semana, diin gilauman nga moabot sa 14 pesos kada litro ang rollback sa gasolina, lima ka pesos sa diesel ug lima ka pesos usab sa kerosene.
Base sa projection sa Department of Energy o DOE, resulta kini sa ilang upat ka adlaw nga monitoring sa Mean of Platts Singapore o MOPS.
Gilauman usab sa ahensya nga masulbad ang panagbangi tali sa Estados Unidos ug Iran nga nakaapekto sa suplay ug presyo sa lana sa global market.
Nahinumduman nga ang pagpugong sa Iran sa pagsulod ug paggawas sa mga produkto ug kalakal agi sa Strait of Hormuz maoy usa sa mga hinungdan sa pagsaka sa presyo sa petrolyo, nga nakaapekto usab sa presyo sa mga batakang palaliton.
Samtang, giisip usab nga positibo ang resulta sa midterm elections sa Estados Unidos, diin nakadaog ang mga Democrats ug nakakuha og gahum nga babagan ang pipila ka balaodnon, imbestigahan ang administrasyon ni US President Donald Trump ug makaapekto sa pag-apod-apod sa badyet sa gobyerno, lakip na sa Pentagon.
