DENR, gipataas sa pinakataas nga lebel ang alerto batok sa sunog sa kalasangan tungod sa El Niño.

Nagpatuman na ang mga regional office sa ahensya og mga lakang aron mapanalipdan ang mga kabukiran ug kasagbotan batok sa posibleng sunog.

Lakip sa mga lakang ang pagbutang og mga personnel nga magbantay sa kalasangan, pagbansay sa mga opisyal, paghimo og fireline, pagdili sa open burning ug temporaryong pagsira sa mga lugar nga daling masunog.

Gibutang usab sa 24-oras nga pagbantay ang Quick Response Teams sa matag rehiyon aron dali nga makatubag sa posibleng mga sunog.

Giawhag sa DENR ang publiko, lakip ang mga mag-uuma ug mga opisyal sa gobyerno, nga likayan ang pagsunog ug kahoy aron mapanalipdan ang kinaiyahan ug mga natural resources.