Ipanghatag sa Department of Agriculture o DA sugod sa Disyembre ang mga “mobile solar irrigation system” aron matabangan ang mga mag-uuma nga makasagubang sa epekto sa El Niño.
Gilauman nga kadaghanan sa mga yunit maapod-apod sa Enero 2027, panahon nga posibleng masinati ang pinakagrabeng hulaw o dry spell sa nagkadaiyang rehiyon sa nasud.
Dako usab ang ikatabang sa maong mga kagamitan dili lamang sa mga humayan ug tanoman sa mga utanon kondili apil na sa “livestock ug aquaculture sectors”.
Unahon sa pagbutang sa mga mobile solar irrigation system ang mga lugar nga grabeng maapektuhan sa El Niño ug adunay kasaligan nga tinubdan sa tubig.
Nangayo ang DA og 3 ka bilyong pesos nga pondo ubos sa UPLIFT program alang sa mga proyekto sa irigasyon.
Gikan niini, 1 ka bilyong pesos ang igahin sa mobile solar irrigation systems samtang 2 ka bilyong pesos alang sa regular solar irrigation projects.
