Moabot sa 3,988 gikan sa kinatibuk-ang 10,746 ka examinees ang nakapasar sa October 2026 Certified Public Accountant Licensure Examination(CPALE).
Subay sa gipagawas sa Professional Regulation Commission o PRC niadtong Martes nga resulta sa exam, Rank 1 si Tyron Jones Timoteo Acuña sa Kingfisher School of Business and Finance human makakuha og 92.00% rating.
Anaa sa Rank 2 si Andrea Rose Lapid Yanson sa University of St. La Salle nga may 91.83% rating, samtang ikatulo si Vincent Noel Cuaresma sa Far Eastern University-Manila nga nakarekord og 91.50% rating.
Samtang, anaa sa Rank 7 si Wymvee Claire Manlunas Bugna, nga nakakuha og 90.67% gikan sa Mindanao State University- Gensan.
Kauban ni Bugna sa maong puwesto si Razilee Panday De Vera gikan sa Kingfisher School of Business and Finance.
