-- ADVERTISEMENT --
Lakip sa gi-andam sa lokal nga panggamhan sa Heneral Santos sa Relocation site ang mga bag-ong gamit nga paga gamiton sa fish section.
Matud ni City Administrator Shandee Pestaño nga kompleto na ang mga kagamitan, apan wala pa kini ipagawas samtang wala pa mahan-ay ang hustong lugar nga pagbutangan niini aron malikayan ang pagkadaot ug pag-vandalize.
Dili lang ang mga lamisa ang giapil sa pagpaayo, kondili lakip usab ang drainage system nga dugay nang problema sa maong bahin sa merkado.
Matud pa, kauban sa City Engineering Office ang paghan-ay sa mga lakang aron masulbad ang problema sa agianan sa tubig ug mapaayo ang kahimtang sa fish section ug meat section sa public market.
