Gibutang sa pagbansay militar ni Punong Ministro Abiy Ahmed sa Etiopia ang tanang miyembro sa iyang gabinete ug pipila ka taas nga opisyal sa gobyerno.
Lakip sa miapil sa pagbansay si House of Federation Speaker Muferiat Kamil, Finance Minister Fitsum Assefa ug Health Minister Mekdes Daba.
Matud ni Ahmed, tumong niini nga mapalig-on ang pisikal nga kahimsog, moralidad ug kahibalo sa mga opisyal sa gobyerno.
Gipasabot usab sa lider sa Etiopia nga ang disiplina sa militar makatudlo kanila sa pagkamasinugtanon sa disiplina, gugma sa nasud, pagtinabangay, pagkamay-tulubagon ug maayong pagpangulo.
Gihimo ang maong pagbansay taliwala sa nagpadayon nga mga hagit sa seguridad sa nasud, lakip ang panag-away sa amihanang rehiyon sa Tigray, kagubot sa Amhara ug problema sa seguridad sa Oromia.
