Nagpabilin nga kritikal, ug nagkinahanglan gihapon ug ‘life-support machine’ human ma-stroke niadtong Huwebes, Oktubre 29 ang kahimtang sa komedyante nga si Ate Gay kon si Gil Morales sa tinuod nga kinabuhi
Sa usa ka medical update nga gipaabot sa iyang pamilya gibutyag nila nga nakalahutay ang komedyante gikan sa unang higayon sa septic shock, nga dala sa grabeng impeksyon ug pneumonia.
Apan, nakasinati og kadaot ang tuo nga bahin sa iyang utok tungod sa stroke; tungod niini, nagpabilin siya sa Intensive Care Unit (ICU) sa Asian Hospital and Medical Center sa Muntinlupa City.
Matod sa iyang pamilya, dili pa luwas nga ibalhin si Ate Gay sa laing ospital tungod sa iyang kasamtangang kahimtang; busa, nagsunod sila sa tambag sa mga doktor nga ipadayon ang iyang pagpatambal sa maong pasilidad.
Nagpasalamat usab ang pamilya sa padayon nga pinansyal nga tabang, suporta, ug mga pag-ampo gikan sa publiko, samtang padayon silang nangita og dugang medikal nga tabang alang sa komedyante.
