Babaye sa Denmark nakatala ug world record tungod sa pagdagan nga naka high heels sulod sa 13 ka segundos

Nakapahimutang og bag-ong rekord si Majken Sichlau sa Denmark human niya malampasan ang 100 metros nga distansya samtang nagsul-ob og high heels sa rekord nga 13.557 segundos.

Nahimo niya kini atol sa Tarnby Games niadtong 2015 nga gipahigayon sa Tarnby Stadium sa Copenhagen, Denmark.

Bisan og kapin usa na ka dekada ang milabay, nagpabilin gihapon kang Sichlau ang maong rekord.

Ang iyang performance gikonsiderar nga usa sa talagsaong rekord sa athletics tungod kay gihimo niya ang 100-meter dash samtang naka-high heels.

Hangtod karon, wala pa malapas sa laing babaye ang 13.557 segundos nga iyang natala.