-- ADVERTISEMENT --
Gipasakaan na sa General Santos City Police Office o GSCPO ug kaso nga frustrated murder ang 18-anyos nga estudyante nga giingong midunggab sa iyang 15-anyos nga schoolmate sa Buayan National High School sa Barangay Buayan, General Santos City.
Matod ni PCol. Ariel Acala, City Director sa GSCPO, nagpabilin ang ilang pagsusi sa posibleng motibo sa maong insidente, diin giingong may kalabotan kini sa ‘bullying’ nga nasinati sa biktima.
Dugang ni Acala, napasaka ang kaso batok sa suspek tungod kay 18-anyos na kini ug dili na sakop sa juvenile justice system isip menor de edad.
Nahinumdoman nga nahitabo ang pagdunggab sulod mismo sa tulonghaan niadtong miaging bulan samtang gipahigayon ang aktibidad sa tulunghaan
