OUT-OF-SCHOOL YOUTH NGA NAGHULGA OG PAGMUSIL SA ESKWELAHAN SA KORONADAL, NADAKPAN; MGA DUMMY ACCOUNT NGA NAGPANGHULGA ONLINE, NAILA NA — PNP

Anaa na sa kustodiya sa kapulisan ang 19-anyos nga out-of-school youth nga gikatahong mipagawas og hulga nga adunay pagpamusil sa usa ka eskwelahan sa Barangay Paraiso, Koronadal City, South Cotabato.

Gikumpirma kini sa hepe sa Koronadal City Police Station nga si PLtCol. Harold Cornel sa Bombo Radyo Koronadal.

Matod niini nakadawat ang usa ka magtutudlo og chat message gikan sa account sa suspek pasado alas-1:00 sa hapon niadtong Setyembre 21, 2026.

Ang mensahe adunay sulod nga hulga batok sa eskwelahan sa Barangay Paraiso.

Samtang, giingon sa PNP nga naila na usab ang pipila ka dummy accounts nga gigamit sa pagpanghulga online, ug padayon ang ilang imbestigasyon aron matino ang mga responsable niini.