Nakadawat og nagkadaiyang pasidungog ang General Santos City alang sa mga programa niini sa panginabuhian ug nutrisyon atol sa 2026 Regional Awards.
Sa DOLE 12 Gawad Kabuhayan, nakakuha og 2nd Runner-up ang Banana Chips Project ni Emily P. Tuazon sa Individual Category, samtang 2nd Runner-up usab ang Modelong Tricycle Drivers in Gensan Transport Cooperative sa Group Category.
Gihatagan usab og pasidungog si Shienna Mae Almeria isip City Outstanding Barangay Nutrition Scholar, samtang giila sila Dr. Lalaine Calonzo ug Imelda Silvero isip Outstanding City Nutrition Action Officer ug Outstanding City Nutrition Program Coordinator.
Nakabaton usab ang GenSan og 3rd Year Green Banner Seal of Compliance ug Regional Award for Innovative Service Deliveries on Eradicating Malnutrition o RAISE.
Personal nga gidawat ni Mayor Lorelie Geronimo Pacquiao uban sa mga awardee ang mga pasidungog, nga nagpakita sa mga programa sa dakbayan alang sa panginabuhian ug nutrisyon.
