Gikumpirma ni Senator Robin Padilla nga nakadawat siya og subpoena gikan sa Department of Justice o DOJ.
May kalabotan kini sa preliminary investigation bahin sa giingong pagtabang niya aron makalingkawas sa Senado si Sen. Ronald “Bato” Dela Rosa niadtong Mayo.
Gipatawag sa DOJ si Padilla ug kinahanglan siyang mosumite og counter-affidavit sa Setyembre 25 ug Oktubre 9 tungod sa reklamo nga obstruction of justice batok kaniya.
Matud pa, kataposang nakita si Dela Rosa atol sa iyang pagtambong sa session sa Senado niadtong Mayo 13, apan nakalingkawas siya niadtong Mayo 14 human nahitabo ang pagpamusil sulod sa Senado.
Giangkon ni Padilla nga nakisakay si Dela Rosa pagawas sa Senado.
Adunay warrant of arrest batok kang Dela Rosa gikan sa International Criminal Court tungod sa iyang papel isip kanhi hepe sa Philippine National Police o PNP atol sa pagpatuman sa war on drugs ubos sa kanhi Presidente Rodrigo Duterte.
