Gihangyo sa lokal nga panggamhanan ang mga vendor sa Central Public Market nga makigtambayayong ug mosabot sa mga kausaban nga ginapatuman alang sa pagpalambo sa palengke.
Giila nga mahimong makasinati og kahasol ang mga vendor tungod sa mga pagbalhin, relokasyon ug uban pang kausaban nga kabahin sa development sa Central Public Market.
Apan temporaryo lamang ang maong kahasol ug gikinahanglan ang kooperasyon sa mga vendor aron makab-ot ang mas hapsay, limpyo ug mas maayong palengke.
Gipasabot usab nga ang mga lakang nga ginapatuman dili lamang alang sa gobyerno, kundili alang usab sa kaayohan sa mga namaligya, mamalitay ug tibuok komunidad.
Padayon ang pagpangita og mga pamaagi aron mapalambo ang Central Public Market, diin gilauman nga mas komportable ug mas maayong lugar kini alang sa mga vendor ug mamalitay sa higayon nga magsugod na ang operasyon.
