Misaka sa US$104.8 bilyon ang Gross International Reserves o GIR sa Pilipinas sa katapusan sa Agosto 2026, sumala sa Bangko Sentral ng Pilipinas o BSP.
Matud sa BSP, nagpabiling igo ug lig-on ang lebel sa reserves aron matubag ang panginahanglan sa nasud alang sa pag-import sa mga produkto, pagbayad sa mga external debt, ug mahimong proteksyon batok sa mga hagit sa global economy.
Lakip sa mga nag-unang hinungdan sa pagsaka sa reserves mao ang pagtaas sa presyo sa bulawan sa international market, nga miresulta sa mas taas nga valuation sa gold holdings sa BSP.
Nakadugang usab sa reserves ang kita sa BSP gikan sa mga investments niini sa gawas sa nasud.
Apan, gamay nga mikunhod ang reserves tungod sa pag-withdraw sa national government sa foreign currency deposits niini sa BSP aron gamiton sa pagbayad sa mga obligasyon sa external debt.
Ang kasamtangang GIR level igo aron suportahan ang hangtod 6.8 ka bulan nga importasyon sa mga produkto ug serbisyo sa Pilipinas.
Gawas niini, katumbas usab kini sa gibana-banang 3.7 ka pilo sa short-term external debt sa nasud base sa residual maturity.
