Nagkahiusa ang mga Heneral sa Sugbahan sa Dalan 2026 nga gipahigayon sa City Hall Drive isip kabahin sa mga importanteng kalihokan sa Tuna Festival karong tuiga.
Ubos sa tema nga “Giting ug Pagkakaisa, Sa Pagbangon Sama-Sama,”nagkatigom ang mga residente ug bisita alang sa usa ka dakong salu-salo nga nagpasiugda sa panaghiusa, kalig-on ug paglaum sa komunidad samtang nagpadayon ang pagbangon sa General Santos City gikan sa miaging linog.
Tampok usab sa kalihokan ang preskong tuna sashimi ug tuna lechon, nga giduyogan sa daghang Heneral nga mitambong sa selebrasyon. Gawas sa pagpasidungog sa kasadyaan sa industriya sa tuna, nahimong simbolo usab ang Sugbahan sa Dalan sa kalig-on ug panaghiusa sa mga taga-General Santos nga padayon nga nagtinabangay sa pagbangon human sa linog.
Gipadayag usab sa kalihokan ang dakong papel sa industriya sa tuna isip tinubdan sa panginabuhi ug importante nga bahin sa pagkatawo sa General Santos City isip Tuna Capital of the Philippines.
