-- ADVERTISEMENT --
Napildi ang Gilas Pilipinas batok sa South Korea, 81-55, sa ilang unang exhibition game sa Hana Bank Invitational sa Suwon, isip kabahin sa pagpangandam alang sa Asian Games.
Nanguna sa South Korea si Junghyun Lee nga nakapuntos og 27, lakip ang pito ka tres. Ang iyang tulo ka sunod-sunod nga three-pointers sa fourth quarter nakapalayo pa sa ilang bentaha.
Para sa Gilas, mitampo si Justin Baltazar og 15 puntos, 10 rebounds ug tulo ka steals, apan wala kini igo aron malikayan ang kapildihan.
Target sa Gilas nga makabawi sa ilang sunod nga panag-atubang sa South Korea sa Domingo. Human sa exhibition games, molupad ang Gilas paingon sa Japan alang sa Asian Games sa Aichi-Nagoya.
