Miabot na sa 1,114 ang kumpirmadong namatay sa grabeng pagbaha sa Nepal nga nagsugod niadtong Agosto 26, 2026, matud sa National Disaster Risk Reduction and Management Authority (NDRRMA).
Moabot usab sa 3,916 ka tawo ang padayon nga gikatahong nawala, lakip ang mga residente ug foreign nationals nga naapektuhan sa kaylap nga pagbaha sa mga komunidad duol sa utlanan sa Nepal ug China.
Padayon ang search and rescue operations sa mga awtoridad aron pangitaon ang mga nawagtang ug matabangan ang mga residente nga naapektuhan sa kalamidad. Sa Nepal, kapin 12,000 ka tawo na ang malampusong naluwas.
Samtang, gibanabana nga moabot sa 4,500 ka tawo ang kinatibuk-ang gikatahong nawala sa utlanan sa China ug Nepal.
Padayon usab ang relief operations ug paghatag og mga panginahanglan sa mga komunidad nga grabeng naapektuhan sa pagbaha.
