Human sa dominanteng kadaugan sa Pinay tennis star Alex Eala batok kang Mary Stoiana sa Round 1 sa US Open, 6-1, 6-2, sunod niyang atubangon ang Ukrainian nga si Oleksandra Oliynykova sa Round 2.
Dali nga nahuman ni Eala ang iyang unang dula human makontrol ang duha ka sets batok kang Stoiana. Sa iskor nga 6-1, 6-2, gipakita sa 20-anyos nga Filipina ang iyang agresibong pagdula ug composure aron makasulod sa ikaduhang round sa prestihiyosong torneyo.
Mas mahimong kulbahinam ang sunod niyang duwa tungod kay usa kini ka rematch nila ni Oliynykova. Kataposang nag-atubang sila Eala ug Oliynykova sa Strasbourg, diin midaog ang Ukrainian sa usa ka hugot nga three-set battle, 3-6, 7-5, 6-3.
Ipahigayon ang ilang Round of 64 match sa Louis Armstrong Stadium sa New York City sa Setyembre 3, 2026, alas-11 sa gabii, oras sa Pilipinas.
