Nakadawat og dakong atensyon ang Filipina tennis star nga si Alex Eala human siya ma-assign sa Louis Armstrong Stadium alang sa iyang opening match sa US Open batok kang Mary Stoiana.
Si Eala, nga 17th seed sa torneo, magdula sa ikaduhang pinakadakong court sa USTA Billie Jean King National Tennis Center sa Flushing Meadows, New York, nga adunay seating capacity nga 14,000 ka mga tawo.
Mas dako pa kini nga venue kon itandi sa gigahin alang sa ubang mas taas og ranking nga mga magdudula, lakip na si world number two Elina Rybakina nga mag-abri sa iyang kampanya batok kang Thea Frodin sa Grandstand nga adunay kapasidad nga 8,125 ka tawo.
Gipadayag ni US Open tournament director Eric Butorac nga usa sa mga hinungdan sa pag-assign kang Eala sa Louis Armstrong Stadium mao ang kusog nga demand sa mga ticket alang sa iyang dula.
Matud ni Butorac, nasayran nila nga ang opening match ni Eala kinahanglan ibutang sa usa ka major stadium tungod sa dakong interes sa mga fans.
Gilauman usab niini nga daghang mga Filipino fans ang motambong ug mosuporta kang Eala sa iyang dula. Karong US Open, mas dako ang entablado nga gihatag kang Eala, nga nagpakita sa nagkadakong interes sa mga fans sa iyang kampanya sa international tennis.
