Mas giuna ang kaluwasan sa mga Generals mao nga nakadesisyon ang mga organizer nga dili magbutang og carnival atol sa selebrasyon sa Tuna Festival 2026.
Matud ni Herger Gervy Agustin, Chairperson sa General Santos City Tourism Council, bisan walay carnival karong tuiga, mamahimo gihapong masadya ug malingaw ang mga residente ug mga bisita sa nagkadaiyang kalihukan nga giandam alang sa festival.
Gipatin-aw niya nga mas gihatagan nila og prayoridad ang seguridad, ilabi na nga posible gihapon nga makasinati ang siyudad og mga aftershock human sa magnitude 7.8 nga linog nga miigo sa gawas sa Sarangani niadtong Hunyo 8, 2026.
Busa, imbis nga magbutang og carnival ug mga rides nga posibleng adunay dugang nga peligro panahon sa linog o aftershock, nakahukom ang mga organizer nga dili na lamang kini iapil sa kalihukan karong tuiga
