-- ADVERTISEMENT --
Giangkon sa Houthi group sa Yemen ang pag-atake gamit ang drone batok sa usa ka oil refinery sa Saudi Arabia.
Ang Jazan refinery mao ang usa sa mga nag-unang crude oil refinery nga nahimutang duol sa Red Sea sa habagatang kasadpang bahin sa Saudi Arabia.
Matud sa Iran-backed Houthi, gihimo ang maong drone attack isip balos sa giingong paglapas sa Yemeni airspace sa mga governorate sa Saada ug Hajjah.
Dili kini ang unang higayon nga giangkon sa grupo ang maong klase sa pag-atake, diin niaging bulan, gitarget usab nila ang pasilidad nga sakop sa refinery.
