-- ADVERTISEMENT --
Nagpahigayon og surprise random drug testing ang Police Regional Office 12 alang sa mga personahe niini isip kabahin sa ilang paningkamot nga mapadayon ang disiplina ug integridad sulod sa kapulisan.
Gipahigayon ang drug test nga walay pahibalo sa mga personnel aron masiguro ang pagkamatinud-anon sa resulta ug mapalig-on ang kampanya batok sa paggamit sa ilegal nga droga.
Sumala ni P/Maj. Rissa Hernaez nga lakip kini sailang mga lakang aron ilang masiguro nga walay mga personahe sa PRO 12 nga nalambigit sa iligal nga aktibidad.
Gipasiugda usab sa PRO 12 ang kamahinungdanon sa regular nga pag-monitor sa mga personahe aron mapadayon ang pagsalig sa publiko sa kapulisan ug masiguro ang propesyonal nga pag-alagad sa katawhan.
