DPWH gikumpirma ang flood control projects sa 2027, naka sentro sa masterplans ug mga urban area

Gikumpirma ni Department of Public Works and Highways o DPWH Secretary Vince Dizon nga iapil sa 2027 budget ang mga proyekto alang sa flood management ug flood mitigation.

Tumong niini nga mapalig-on ang mga lakang batok sa pagbaha sa nagkadaiyang lugar sa nasud.

Sumala ni Dizon, prayoridad ang pagpatuman sa mga flood control masterplan ug pag-ayo sa mga nadaot nga flood mitigation projects.

Lakip usab sa tutukan ang pagpalambo sa mga sistema sa pagkontrol sa baha sa mga urban area sama sa Metro Manila, Cavite, Laguna, Bulacan ug Cebu.

Wala pa ipadayag ni Dizon ang eksaktong kantidad sa pondo alang sa mga proyekto samtang gihulat pa ang pinal nga budget proposal sa DBM nga isumite sa Kongreso.