Nakapahimutang og bag-ong box office record ang pelikulang “Spider-Man: Brand New Day” human kini makakolekta og P586.9 milyon sa sulod lang sa unang lima ka adlaw sa pagpasalida sa mga sinehan sa Pilipinas.
Sumala sa Columbia Pictures Philippines, ang datos gikan sa Hulyo 29 hangtod Agosto 2, diin nahimo kini nga pinakadakong opening sa tanang pelikulang Spider-Man sa nasud.
Gipasabot sa kompanya nga nakarekord ang pelikula og kapin P587 milyon nga kita sa unang lima ka adlaw, nga giila usab nga usa sa pinakadakong opening weekend sukad sa panahon human sa pandemya.
Nahimutang usab ang “Spider-Man: Brand New Day” isip ikatulong pelikula nga adunay pinakadakong opening weekend sa Pilipinas, sunod sa “Avengers: Endgame” ug “Avengers: Infinity War.”
Sa tibuok kalibotan, nakakuha usab kini og 360 milyon ka dolyar sa North American opening weekend, nga nakalapas sa rekord nga nahimo kaniadto sa “Avengers: Endgame.”
