Giila sa Bureau of Internal Revenue (BIR) ang aktor nga si Alden Richards ug aktres nga si Barbie Forteza isip kabahin sa mga nangunang taxpayers sa Pilipinas.
Gipasidunggan sila sa BIR dili lamang tungod sa ilang dakong kontribusyon sa pagbayad og buhis, kondili usab sa ilang paggamit sa impluwensya aron awhagon ang publiko nga mahimong matinud-anon sa pagbayad sa hustong buhis.
Matud ni Alden, importante ang pagbayad og buhis, apan mas labaw pa niini ang panaghiusa sa matag Pilipino alang sa kalamboan sa nasud ug pagpauswag sa kinabuhi sa mga nanginahanglan.
Samtang, miingon si Barbie nga ang pagbayad og buhis usa ka pribilehiyo ug responsibilidad tungod kay kini maoy tinubdan sa pondo sa gobyerno alang sa mga serbisyo sama sa panglawas, edukasyon, ug uban pang mga programa pangkabuhayan.
Kauban sa pagdawat sa maong pagkilala, gisaulog usab ni Barbie ang iyang adlawng natawhan. Matud sa aktres, mas gusto niya ang yano nga selebrasyon uban sa iyang pamilya ug usa lamang ka lamian nga seafood dinner ang iyang birthday wish.
