Gipahayag sa daghang residente sa General Santos City ang ilang dakong pasalamat human pormal nang giablihan sa publiko ang Mabuhay Underpass kagahapong adlawa, human sa taas nga panahon sa paghulat alang sa pagkompleto sa maong proyekto.
Para sa mga motorista ug komyuter, dako kini nga tabang sa pagpagaan sa trapiko ilabina sa maong bahin sa siyudad, tungod kay gilauman nga mas paspas ug mas hapsay na ang agi-anan sa mga sakyanan.
Giila sa mga taga-Gensan ang pag-abli sa Mabuhay Underpass isip usa ka importante nga kalamboan sa imprastraktura sa syudad, ilabina human sa pipila ka tuig nga paghulat aron magamit na kini sa publiko.
Samtang, gipaabot usab sa mga residente ang ilang pagpasalamat sa mga ahensya sa gobyerno ug mga opisyal nga nahimong bahin sa paghuman sa maong proyekto nga ilang gilauman nga makatampo sa mas maayong pagbiyahe sa mga taga-General Santos City.
