Gisaway sa pipila ka netizens ang aktres ug TV host nga si Atasha Muhlach human siya mapili isip bida sa “Bongga Ka ‘Day: The Annie Batungbakal Musical,” usa ka stage adaptation sa sikat nga pelikula nga “Annie Batungbakal.”
Misikat sa social media platform ang pag-anunsyo kang Atasha isip magdala sa maong papel. Apan, dungan usab niini ang mga komentong nag-ingon nga adunay “nepotism” o pabor-pabor sa pagpili kaniya, ug nga ang maong oportunidad unta angay ihatag sa mga theater artists nga miagi sa audition.
Aduna usab mga netizens nga misaway sa iyang accent, nga matud pa nila dili angay sa karakter ni Annie Batungbakal nga nailhan nga makalingaw, palanggaon, ug makabibo nga personalidad.
Samtang nagpadayon ang mga kritisismo, adunay usab mga netizens nga midepensa kang Atasha. Matud pa nila, mas angay nga hulaton ug tan-awon una ang iyang performance sa musical sa dili pa siya hukman o sawayon
Sa pagkakaron, wala pa’y opisyal nga pahayag si Atasha Muhlach bahin sa mga pagsaway nga iyang nadawat sa social media.
Si Atasha Muhlach adunay kaluha nga si Andres Muhlach ug anak sa mga bantugan nga personalidad sa showbiz nga silang Aga Muhlach ug Charlene Gonzalez
