Missile sa Ukraine, nakaigo sa oil terminal sa Russia

Naigo sa missile sa Ukraine ang pangunang oil terminal sa Russia sa Saint Petersburg.

Gikumpirma ni Ukraine President Volodymyr Zelenskyy ang maong pag-atake.

Gihulagway sa presidente sa Ukraine nga ang maong imprastraktura usa sa mga nag-unang tinubdan sa kita nga gigamit sa Russia aron pondohan ang gubat.

Gawas niini, naigo usab sa Ukraine ang usa ka naval base sa Russia.

Matud ni Aleksandr Beglov, ang ilang siyudad giatubang sa usa ka “massive drone attack.”

Hinumdoman nga gipakusgan sa Ukraine ang ilang mga pag-atake batok sa mga nag-unang imprastraktura sa Russia.