GENSAN- Gipaningkamotan karon sa City Government sa Gensan ga mapaspasan ang konstruksyon sa Mabuhay Underpass aron mahuman kini sa dili pa o sa takdang petsa nga Hulyo 31, 2026, subay sa direktiba ni DPWH Secretary Vince Dizon.
Sumala kang Joey Concepcion, executive staff sa City Mayor’s Office nga nagpatigom na ang lokal nga panggamhanan sa mga representante sa Telcos, Water District, SOCOTECO ug uban pang ahensya aron masulbad ang mga isyu nga nakapahinay sa proyekto.
Giingon usab niya nga adunay ipatuman nga rerouting sa mga sakyanan sulod sa mga mosunod nga 30 ka adlaw aron mapadali ang trabaho sa maong underpass.
Dugang pa niya, adunay gi-deploy nga representante si Secretary Dizon aron tutokan ang proyekto, samtang gipalig-on usab ang koordinasyon sa contractor ug sa lokal nga panggamhanan aron masiguro nga magpadayon ang trabaho 24 oras matag adlaw ug matuman ang target nga mahuman ang proyekto sa gitakdang deadline.
