Gipahayag sa Department of Justice (DOJ) niining Huwebes nga wala pa sila makadawat og bisan unsang opisyal nga komunikasyon gikan sa International Criminal Court (ICC) may kalabotan sa giingong arrest warrant batok kang Senador Christopher “Bong” Go.
Sa usa ka pahayag, giingon ni DOJ Spokesperson Polo Martinez nga gipamatud-an nila ang maong impormasyon ngadto sa Philippine Center on Transnational Crime (PCTC) karong buntag alas-diyes.
Matud ni Martinez, ang maong warrant kinahanglan diretsong ipadala ngadto sa PCTC.
Iyang gipasabot nga kabahin kini sa mandato sa PCTC sa pagdumala ug pagpugong sa mga transnational crime.
Kini human ipugos ni Davao City Representative Paulo “Pulong” Duterte nga iyang nadawat gikan sa usa ka “highly reliable source” nga adunay gipagawas kuno nga mga warrant batok kang Go ug duha ka kanhi opisyal sa kapulisan.
Samtang, gipanghimakak usab sa Department of the Interior and Local Government (DILG), Philippine National Police (PNP), ug National Bureau of Investigation (NBI) ang maong mga pahayag.
