GENSAN- Temporaryong gisirad-an ang Bulaong Terminal human adunay namatikdang kadaot sa istruktura niini tungod sa Magnitude 7.8 nga linog nga nabati sa dakbayan sa Gensan.
Sumala sa lokal nga panggamhanan, dili pa tugotan ang operasyon sa terminal hangtod mahuman ang detalyadong inspeksyon ug evaluasyon sa City Engineering Office.
Samtang sirado pa ang pasilidad, ang tanang bus ug van nga mosulod ug mogawas sa siyudad temporaryong gipapwesto sa daplin sa Bulaong Avenue duol sa usa ka Gas Station.
Gisiguro usab sa mga otoridad nga magpadayon ang serbisyo sa transportasyon aron dili maapektuhan pag-ayo ang mga pasahero.
Padayon usab ang pagmonitor sa kahimtang sa terminal aron masuta kung luwas na ba kini nga magamit pag-usab.
Samtang, mihangyo ang lokal nga panggamhanan sa publiko nga magpakita og pagsabot ug kooperasyon samtang giprayoridad ang kaluwasan sa tanang heneral.
