GENSAN- Gipadayag ni Michael Torrijos, Sports Program Consultant nga iyang gilauman nga modaog ang San Antonio Spurs sa Game 3 aron molawig pa ang serye ug dili dayon ma-sweep sa ilang kontra, tungod kay mas makalingaw kon molungtad pa ang duwa.
Sumala niya, dako ang posibilidad nga makabawi ang Spurs tungod sa presensya ni Gregg Popovich nga nakasabot na sa mga kahuyang ug kusog sa duha ka team human sa unang mga duwa.
Gihisgotan usab niya nga lisod ang sitwasyon sa Spurs kay nagbiyahe pa sila ug duha ka adlaw lamang ang pahulay sa wala pa ang sunod nga dula.
Miingon siya nga bisan kinsa ang kusgan nga coach sa pikas team, dako gihapon ang papel sa taktika ug pag-andam sa duwa. Sa iyang mensahe alang sa mga Pilipino sa Luzon, Visayas, ug Mindanao, gipasiugda niya nga ang sports sama sa NBA nagdala og panaghiusa bisan lain-lain ang team nga gisuportahan.
Iyang giklaro nga sa ilang mga barkada, magkalahi sila og team apan magkauban gihapon sa pagtan-aw ug naglingaw-lingaw .
Giingon pa niya nga ang sports maoy paagi aron makalingkawas sa stress sa adlaw-adlaw ug naghinaot kini nga mas kanunay pa unta ang NBA games aron mas malingaw ang mga fans.
