Determinado ang kanhi Presidente sa Senado nga si Vicente Sotto III nga mopasaka og mga kasong libel ug cyberlibel batok sa 18 ka mga saksi nga giingong nagpaila sa ilang kaugalingon nga kanhing mga Marines.
Ang mga Marines mitambong sa Senate Blue Ribbon Committee niadtong Huwebes, nga gipangulohan ni Senador Rodante Marcoleta.
Gipasanginlan nila si Senador Sotto nga nakadawat og kickback gikan sa mga flood control projects
Si Sotto miingon nga mahibal-an sa Lunes kung ang mga tawo nga nagdala ug nagbansay sa 18 ka kanhing mga bodyguard iapil ba sa kaso.
Samtang, ang kanhi chairperson sa Blue Ribbon Committee nga si Senador Panfilo Lacson miingon nga ang mga Senador nga nangulo sa hearing niadtong Huwebes mahimo usab nga mag-atubang og mga kaso.
Si Lacson miingon nga mahimo gyud silang mapasakaan og kaso sa cyber libel ug uban pang mga krimen tungod sa peke nga hearing diin ang mga Senador nga miapil walay parliamentary immunity.
Gisaway usab ni Ombudsman Jesus Crispin Remulla ang hearing tungod kay nagpahigayon na sila og imbestigasyon sa giingong mga flood control anomalies
