-- ADVERTISEMENT --
Giawhag sa Integrated Provincial Health Office o IPHO ang mga residente sa South Cotabato nga magpakonsulta sa mga HIV/AIDS Core Team o HACT clinic tungod sa padayong pagsaka sa kaso sa HIV/AIDS sa probinsya.
Matud sa buhatan, importante nga magpasusi dayon ang mga adunay sintomas o nagduda nga posibleng natakdan aron mahibal-an dayon ang ilang kahimtang ug makadawat sa hustong tambal.
Giila usab sa IPHO nga posible pang adunay daghang kaso nga wala marehistro tungod sa kahadlok sa diskriminasyon ug pagpanghusga gikan sa ubang tawo.
Tungod niini, gipasiguro sa ahensya nga kompidensyal ug protektado ang personal nga impormasyon sa mga magpakonsulta sa HACT clinic aron mahupay ang kabalaka sa mga pasyente.
