-- ADVERTISEMENT --
Adunay katungod ang mga empleyado sa pribadong sektor nga makadawat og 200% sa ilang inadlaw nga sweldo sa karung adlawa, Mayo 27, 2026 tungod kini gitudlo nga regular nga holiday sa pagsaulog sa Eid’l Adha.
Ang Department of Labor and Employment (DOLE) nagpagawas niini nga pahinumdom sa Labor Advisory No. 09, series of 2026 nga gi-isyu niadtong Martes.
Sa sayo pa, gideklara ni Presidente Ferdinand Marcos Jr. ang Mayo 27, 2026 isip regular nga holiday sa pagsaulog sa Eid’l Adha o ang Feast of Sacrifice.
Ang Eid’l Adha usa sa duha ka dagkong fiesta sa mga Muslim, gawas sa Eid’l Fitr. Kini giisip usab nga mas balaan sa duha ka pista.
