Nidagsa ang katawhan sa SM Mall ning syudad asa gipahigayon ang ulahing adlaw sa voters registration sa Commission on Elections, diin taas nga linya sa mga aplikante ang nakita sukad sayo sa buntag hangtod sa karung orasa asa padayon ang proseso sa pagparehistro.
Kadaghanan sa mga niadto mao ang mga first-time voters, mga magpa-transfer sa ilang voter records, ug mga magpa-reactivate sa ilang rehistro alang sa umaabot nga piniliay. Bisan sa kadugay sa pagpila, padayon gihapon ang pag-abot sa mga residente aron masiguro nga makaapil sila sa pagboto sa Barangay ug Sangguniang Kabataan Election 2026 sa Nobyembre.
Matod sa mga opisyal sa COMELEC, ilang gipadayon ang organisadong pagdumala sa mga aplikante aron malikayan ang kagubot ug mapadali ang proseso sa registration. Kahinumduman nga una nga gidasig sa COMELEC ang publiko nga magparehistro sayo sa umaabot aron malikayan ang dagsang managparehistro sa katapusang adlaw.
