Dako ang pasalamat sa pamilya ni Queenjo Lacrita sa Bombo Radyo human kini nakatabang sa pagbutyag sa publiko sa tinuod nga nahitabo sa ilahang anak samtang anaa sa Damam Saudi Arabia .
Kini ang pamahayag ni Vicente Lacrita Subaan, amahan sa biktima, samtang giangkon nga padayon nila nga pangitaon ang hingpit nga kamatuoran bahin sa nahitabo sa iyang anak nga babaye.
Sumala niini, nagtuo ang ilang pamilya nga adunay kapabayaan sa ahensya nga nagdumala kang Queenjo, hinungdan nga nagpadayon sila sa imbestigasyon aron maklaro ang tanang nahitabo.
Gipasiugda usab niya nga determinado sila nga manubag sa bisan kinsa nga may kalabotan sa kamatayon sa ilang anak ug makab-ot ang hustisya nga dugay na nilang gipakigbisogan.
Samtang, gidala si Queenjo Lacrita sa iyang ulahing kapahulayan kaniadtong Sabado, Mayo 16, 2026.
