-- ADVERTISEMENT --
Nagpasidaan si Chinese President Xi Jinping kang US President Donald Trump nga mahimong mosangpot sa “gubat o grabeng komprontasyon” ang duha ka nasod kung masayop sila og lihok kalabot sa isyu sa Taiwan.
Gibutyag sa Chinese President ang maong lig-on nga pahayag atol sa ilang pormal nga summit meeting sa Great Hall of the People sa Beijing.
Sa iyang panagsulti, gipasiugda ni Xi nga ang isyu sa Taiwan mao ang labing sensitibo ug labing importante nga hisgutanan sa relasyon tali sa US ug China.
Sumala sa mga report sa media sa China, giingon ni Xi nga kon dili husto ang pagdumala sa maong isyu, mahimong mabutang sa “delikado kaayong sitwasyon” ang relasyon sa duha ka gamhanang nasod.
