GENSAN – Gipasalig ni President Ferdinand R. Marcos Jr. ang padayon nga aksyon sa gobyerno aron matubag ang panginahanglan sa mga Pilipino, ilabi na sa isyu sa food security.
Sa iyang pagbisita sa General Santos City alang sa ‘Bawat Barangay Makikinabang Program kagahapong adlawa atol sa Labor day gipahibalo sa Presidente nga magpadayon ang distribusyon sa tig-napulo nga kilo nga bugas alang sa mga benepisyaryo.
Sumala sa Presidente, tumong sa maong programa nga masiguro nga walay Pilipino nga mawagtang ug pagkaon sa ilang lamesa ug matag pamilyang Pilipino makasinati ug kasigurohan sa pagkaon.
Gipasiugda usab niya nga padayon ang gobyerno sa pagpalig-on sa mga programa nga naghatag suporta sa mga komunidad, ilabi na sa mga kabus ug nanginahanglan.
