Mga tigpasiugda og peke nga balita batok sa unang pamilya, dili sila pasagdan sa PCO nga dili masilotan

GENSAN- Gipasiugda ni Acting Presidential Communications Office Secretary Dave Gomez nga dili nila pasagdan ang nagkatag nga “fake news” o makapadaot nga impormasyon batok sa pamilya ni Ferdinand Marcos Jr..

Nagpasidaan siya nga kasuhan ang bisan kinsa nga mapamatud-an nga nagpaluyo o nagpasimuno sa pagpakaylap sa maong impormasyon.

Sumala kaniya, walay makalikay sa kaso basta mapamatud-an nga peke ang balita nga ilang gipakalat.

Gisundan kini sa ilang paninguha nga paimbestigahan sa Department of Justice ang usa ka social media page nga “Malasakit News Pilipinas” tungod sa alegasyong fake news.

Gituohan sa opisyal nga ang tumong sa mga luyo niini mao ang pagpangilad ug pagpahinabo og kahadlok sa publiko taliwala sa krisis sa gasolina.