GENSAN- Padayon nga gidayeg ang lig-on nga relasyon ug “harmonious coexistence” tali sa mga Muslim, Kristiyano, ug mga lumad sa dakbayan sa General Santos, ilabi na niining pagsaulog sa balaang bulan sa Ramadan.
Gipadayag ni Jocelyn Lambac-Kanda,Division Chief sa Integrated Cultural Communities Affairs Division ang iyang kadasig sa nakitang respeto ug pagtinabangay sa komunidad.
Sumala pa kaniya, dili babag ang kalainan sa tinuohan aron magkahiusa ang mga katawhan sa GenSan.
Gidayeg usab ang aktibong partisipasyon sa mga simbahan, pribadong institusyon, ug mga indibidwal nga nagpakita og suporta sa mga Muslim pinaagi sa pag-andam og pagkaon ug paghatag og panahon alang sa ilang mga pag-ampo.
Kini nagpakita nga ang panaghiusa ug respeto sa isig-katawo mahimong molabaw sa bisan unsang kalainan sa relihiyon ug kultura.
Kini nga panig-ingnan sa GenSan nagsilbing inspirasyon nga ang kalinaw ug panagsabot posible pinaagi sa sinsero nga pag-engganyo sa matag usa, bisan unsa pa ang relihiyon.
