Gitambagan sa Department of Migrant Workers (DMW) ang mga Overseas Filipino Workers (OFWs) nga anaa sa gawas sa nasod nga magduol sa Migrant Workers Office o Philippine Labor Office para sa ‘on-site assistance’.
Matud ni Regional Director Samsudin T. Lintongan, naka-alerto ug padayon nga ginamonitor sa DMW Region 12 ang kahimtang sa mga OFWs taliwala sa nagkasamot nga tensyon sa Middle East.
Gikumpirma usab sa ahensya nga mikabat na sa 42 ka OFWs gikan sa Rehiyon 12 ang pormal nga nangayo og repatriation o pagpauli sa Pilipinas. Gisiguro sa DMW nga sa oras nga maghupay ang tensyon, gilayon nga ipatuman ang pag-evacuate sa mga apektadong OFWs.
Pinaalalahanan sa DMW ang tanan nga OFWs nga magpabilin alerto, mag-update sa kahimtang sa nasod nga ilang gitrabahoan, ug mag-coordinate sa opisyal nga buhatan sa Pilipinas para sa safety ug proteksyon.
