Hilabihan ang kasubo ni Leah Pagagao, inahan ni Mary Grace Ginang, nga brutal nga gipatay sa iyang kaugalingong bana sa Brgy. Alegria, Alabel, Sarangani Province.
Matud sa inahan, lisod kaayo dawaton ang panghitabo labi na nga iyang gi-amuma ang anak hangtud sa pagtigum sa pamilya, unya gipatay kini nga walay kaluoy. Sa iyang pagsaysay sa Bombo Radyo Gensan, nakakita pa ang iyang apo sa insidente diin ang anak sa biktima nahimong saksi sa brutal nga pagpatay sa iyang amahan sa iyang inahan. Gidugang pa niya nga andam ang anak nga mahimong witness sa maong panghitabo.
Sa kasamtangan, nagpadayon ang pagpangita sa suspek nga gituohan nga nagatago sa kabukiran sa bukid sa Datal Anggas.
Gipahimangnoan sa kapulisan ang publiko nga magbantay ug mag-report dayon kung makakita sa suspek aron dali siyang madakpan.
