Sarangani Police padayon sa monitoring sa presyo sa gasolina, walay nasikop nga nagpasobra

Padayon ang pagbantay sa Sarangani Police Provincial Office sa tanang gasolinahan sa probinsya bahin sa pagtaas sa presyo sa mga produktong petrolyo.

Matud ni Rolan Catoburan, Person Information Officer sa maong buhatan, base sa ilang nakuhang report, walay natala nga naglapas o nagpataas og sobra sa presyo ang mga gasolinahan.

Gipahimangnoan gihapon ang publiko nga magbantay ug mag-report dayon sa kapulisan kung makamatikod og dili insaktong presyo sa lana aron mapadayon ang patas ug hapsay nga merkado sa probinsya.

Gidugang pa sa kapulisan nga regular ang ilang monitoring ug inspeksyon sa tanang fuel stations aron masiguro nga walay abusadong presyo ug maprotektahan ang konsumedor.