Dako nga hagit alang sa mga kababayen-an ang pag-atubang sa mga pang-bastos ug diskriminasyon, ilabi na karong selebrasyon sa Women’s Month.
Matud ni Bing Velandria, usa ka reservist sa Philippine Air Force, kinahanglan nga mahatagan ug bili ang mga babaye karon tungod kay dugay ra nga nawala ang diskriminasyon sa ilang gender.
Gipasiugda usab ni Velandria nga daghang kababayen-an karon ang kabalo na sa pagpanalipod sa ilang kaugalingon pinaagi sa self-defense. Sumala kaniya, kini usa ka paagi aron mapalig-on ang seguridad ug kumpiyansa sa mga babaye sa ilang adlaw-adlaw nga kinabuhi.
Ang mensahe sa maong selebrasyon mao ang pag-ila sa gahum, kusog, ug determinasyon sa kababayen-an, samtang nagpadayon ang panaw alang sa gender equality ug proteksyon sa tanan.
