Gipahibalo ni Vice President Sara Duterte kagahapong adlawa nga iyang gi-recruit ang iyang running mate para sa eleksyon sa pagkapresidente sa 2028 sa miaging tuig. Apan wala niya gibutyag ang iyang ngalan aron “mapanalipdan” ang iyang pagkatawo.
Kahinumduman nga kaniadtong Miyerkules, si VP Sara miingon nga modagan siya pagka-presidente sa 2028.
Gipasabot usab niya ang papel sa iyang bise presidente, kung modaog siya, kinsa ang responsable sa pagpanubag sa mga nakasala samtang nag-focus siya sa iyang mga katungdanan isip presidente.
Miingon siya nga wala usab niya dayon gipahibalo si kanhi Rodrigo Duterte sa iyang sayo nga deklarasyon.
Ang iyang bana lang, si Atty. Manases Carpio, mga anak, ug pipila ka mga kawani nga mitabang sa pagsulat sa iyang Tagalog nga pakigpulong ang nahibalo.
Gipahibalo usab niya ang iyang inahan, si Elizabeth Zimmerman, sa desisyon.
Ang Bise Presidente miingon nga nakahukom siya nga mopahibalo og sayo tungod sa protesta ug mga hangyo sa iyang mga tigpaluyo.
Gihisgutan usab niya ang miaging pahayag sa iyang amahan niadtong 2021 nga ang pagka-presidente “dili para sa mga babaye.”
Matod ni VP Sara, walay kalabotan ang gender sa abilidad sa usa ka tawo sa pagpangulo sa nasud.
