Gilayon nga nagpatuman og hugot nga seguridad ang Matalam Municipal Police Station sa probinsiya sa Cotabato human masamdan ang dili muobos sa 20 residente sa pagbuto sa gituohang granada sa pagsugat sa Bag-ong Tuig sa Barangay Dalapitan, Matalam pasado alas-dose sa Enero 1, 2026.
Base sa report sa kapulisan natigayon ang selebrasyon sa New Year’s Eve sa kilid sa National Highway sa Purok Ipil-Ipil dihang kalit nga gilabayan og granada sa duha ka lalaki nga nakamotorsiklo ang grupo samtang nagsaulog nga paspas usab nga miikyas ang mga suspek human ang insidente.
Giila ang mga biktima nga silang Khriell Marco Alejo – Purok Ipil-Ipil, Dalapitan; Zyrelle John A. Dafielmoto – Purok Ipil-Ipil, Dalapitan; Shyro Kian Ferolino – Purok Ipil-Ipil, Dalapitan; Mark Ethan Tejero; Rommel Ventura; Al Ivan Alejo; Cedrick Rom Alejo; Jonrel Yturalde; Ronald Alejo; Lane Blanco – Purok Tibao; Nane Blanco – Purok 1-A, Tibao; Janrey Bisilo – Purok 1-A, Tibao; Miredina Panagiton – Purok 1-A, Tibao; Varlito Andia – Purok 1-A, Tibao; Kyle Santillan – Purok 1-A, Tibao; Sanny Santillian – Purok Ipil-Ipil, Dalapitan; Renz Delo Santos – Purok 1-A, Tibao; Julius Niadas – Purok Ipil-Ipil, Dalapitan; Julius Batawan – Tibao og Rayan Santillian – Purok 1-A, Tiba.
Gilayon silang gidala sa Mlang District Hospital sa tabang sa mga pribadong sakyanan.
Isip tubag, gilayon nga nagpagawas og flash alarm ang kapulisan, nakig-alayon sa Explosive Ordnance Disposal o EOD Team, og nagpahigayon og dragnet operation sa mga kasikbit nga lugar aron makita ang mga suspek.
Gisuta sa mga awtoridad ang posibleng motibo sa likod sa pag-atake.
Samtang, gisguro sa kapulisan nga padayon ang hugot nga pagbantay sa lugar aron malikayan ang susama nga insidente og mapabilin ang kaluwasan sa publiko sa mga mussunod nga adlaw.
