GENSAN –Mikabat og 31 ka kaso sa fireworks related injury o kadaut tungod sa pabuto ang natala sa Department of Health Center for Health Development SOCCSKSARGEN Region gikan Disyembre 21 hangtod Disyembre 31 2025.
Kini mas ubos og 24 porsiyento kung ikumpara sa 41 ka kaso sa sama nga panahon niadtong 2024. Ang tanang kaso may kalambigitan sa pabuto ug walay natala nga stray bullet injury.
Unom ang nakaangkon ug kadaot sa mata, usa ang natala nga naputlan ug tudlo ug usa ang nakasinati og pagkawala og pangdungog. Ang pinakabata nga biktima 2 anyos ug ang pinakatigulang 78 anyos diin 24 ang lalaki ug 2 ang babaye.
Pinakadaghan nga kaso nga narekord sa South Cotabato nga adunay 12 gisundan sa North Cotabato nga adunay 9 ka kaso, Sultan Kudarat adunay 5 ka kazo, Sarangani adunay tulo.
Samtang ang Gensan nakatala og duha ka kaso.
Ang 5 Star ang pinakadaghan nga nalambigit nga klase sa pabuto nga adunay 10 ka kaso gisundan sa Kwitis nga adunay lima, Triangle adunay tulo ka kaso, Sparkler ug Boga nga adunay tig-duha nga kaso nga nagpakita nga padayon gihapon ang risgo sa peligro sa paggamit sa mga dili luwas nga pabuto.
