GENSAN – Gibutyag ni Senior Fire Officer 2 Filamer Acob, Chief Personnel sa Bureau of Fire Protection Gensan, nga ang mga nagabaligya og pyrotechnics ug firecrackers sa designated display area sa Oval Plaza ang nakakuha og special permit gikan sa LGU GenSan ug miagi una sa seminar ug safety drills.
Matod pa niya, adlaw-adlaw ginahimo sa BFP ang inspeksyon sa maong display area aron masiguro ang kaluwasan sa pagbaligya sa pabuto, kauban ang paghatag og pahimangno sa mga mamalit.
Sa pamahayag pa sa nasampit, adunay listahan sa mga pabuto nga gitugotan lamang ibaligya nga gipagawas sa Philippine National Police, ug hugot nga gipahimangnoan nga ang mga mosupak sa patakaran sama sa pagbaligya og ilegal nga mga pabuto paga-kumpiskahan sa paninda, multahan, ug posibleng prisohon subay sa balaod.
