Giawhag ni Sen. Sherwin Gatchalian, ang Chair sa Senate Finance Committee, ang Department of Health (DOH) nga ipatuman ang tanang programa sa ahensya, human sa paggahin sa Kongreso og pundo para sa 2026, lakip na ang Philippine Health Insurance Corp. (PhilHealth) ug zero balance billing.
Matud ni Albert Domingo, ang tigpamaba sa DOH, nga ang mga magbabalaod makahatag usab og pagdumala sa pagpatuman sa mga proyekto.
Sa laing bahin, gidapit nila ni Gatchalian ug Domingo ang mga health advocates nga moapil sa mga diskusyon aron mapaayo ang sistema sa pag-atiman sa panglawas sa nasud.
Kahinumduman nga ang bicameral nga mga panagsultihanay sa 2026 national budget natapos niadtong Huwebes sa buntag human sa upat ka adlaw nga deliberasyon, diin ang Kongreso nagtumong nga maaprobahan kini sa dili pa ang Disyembre 29.
